കോ-ഓപ്പറേറ്റീവ് ട്രെയിനിങ് കോളേജ്: ഹയർ ഡിപ്ലോമ ഇൻ കോ-ഓപ്പറേഷൻ

സ ഹകരണ മേഖലയിലെ ബാങ്കിങ് പ്രവർത്തനങ്ങൾക്ക് പ്രാധാന്യം നൽകുന്ന ഹയർ ഡിപ്ലോമ ഇൻ കോ-ഓപ്പറേഷൻ ആൻഡ് ബിസിനസ് മാനേജ്‌മെന്റ് (എച്ച്ഡിസി ആൻഡ് ബിഎം) പ്രോഗ്രാം 2025-26 പ്രവേശനത്തിന് കേരള സ്റ്റേറ്റ് കോ-ഓപ്പറേറ്റീവ് യൂണിയൻ അപേക്ഷ ക്ഷണിച്ചു. സ്ഥാപനങ്ങൾ സംസ്ഥാനത്തെ 13 കോ-ഓപ്പറേറ്റീവ് ട്രെയിനിങ് കോളേജുകൾവഴി നടത്തുന്ന ഈ കോഴ്‌സിന്റെ ദൈർഘ്യം 12 മാസമാണ് (ആറുമാസംവീതം രണ്ട് സെമസ്റ്റർ). തിരുവനന്തപുരം, കൊട്ടാരക്കര, ആറന്മുള, ചേർത്തല, കോട്ടയം (എൻഎസ്എസ് മാനേജ്‌മെന്റിന്‌ കീഴിൽ), പാല, നോർത്ത് പറവൂർ, അയ്യന്തോൾ, പാലക്കാട്, തിരൂർ, കോഴിക്കോട്, തലശ്ശേരി, കാഞ്ഞങ്ങാട് എന്നിവിടങ്ങളിലാണ് കോളേജുകൾ. സ്ഥാപനങ്ങളുടെ പൂർണവിലാസം, കോണ്ടാക്‌ട്‌ വിവരങ്ങൾ തുടങ്ങിയവ www.scu.kerala.gov.in-ലെ പ്രോഗ്രാം പ്രോസ്‌പെക്‌ടസിൽ കിട്ടും. പാഠ്യപദ്ധതി പാഠ്യപദ്ധതിയിൽ കോ-ഓപ്പറേറ്റീവ്‌സ് ആൻഡ് കോ-ഓപ്പറേറ്റീവ് അഡ്മിനിസ്‌ട്രേഷൻ, പ്രിൻസിപ്പിൾസ് ഓഫ് മാനേജ്‌മെന്റ്, ഫിനാൻഷ്യൽ ആൻഡ് മാനേജ്‌മെന്റ് അക്കൗണ്ടിങ്, പ്രിൻസിപ്പിൾസ് ആൻഡ് പ്രാക്‌ടീസസ് ഓഫ് ബാങ്കിങ്, കോ-ഓപ്പറേറ്റീവ് ലോ ആൻഡ് അലൈഡ് ലോസ്, കംപ്യൂട്ടർ ആപ്ലിക്കേഷൻസ്, ഫങ്ഷണൽ സൊസൈറ്റീസ്, മാനേജീരിയൽ ഇക്കണോമിക്‌സ്, കോ-ഓപ്പറേറ്റീവ് അക്കൗണ്ടിങ് ആൻഡ് ഓഡിറ്റിങ്, റീട്ടെയിൽ ആൻഡ് ഇലക്‌ട്രോണിക് ബാങ്കിങ് തുടങ്ങിയവയും ഉൾപ്പെടുന്നു. രണ്ടാംസെമസ്റ്ററിൽ ഒരു സഹകരണസ്ഥാപനത്തിൽ 10 ദിവസത്തെ ഇന്റേൺഷിപ്പ് ചെയ്യണം. കേരള സർക്കാർ, കേരള പബ്ലിക് സർവീസ് കമ്മിഷൻ, കോ-ഓപ്പറേറ്റീവ് സർവീസ് എക്‌സാമിനേഷൻ ബോർഡ് എന്നിവയുടെ അംഗീകാരം കോഴ്‌സിനുണ്ട്. കോ-ഓപ്പറേറ്റീവ് സൊസൈറ്റീസ് രജിസ്ട്രാറുടെ ചെയർമാൻഷിപ്പിൽ കേരളസർക്കാർ രൂപവത്‌കരിച്ച സെൻട്രൽ ബോർഡ് ഓഫ് എക്‌സാമിനേഷൻസ് ആണ് പരീക്ഷ നടത്തി ഡിപ്ലോമ സർട്ടിഫിക്കറ്റ് നൽകുന്നത്. സീറ്റ് സംവരണം മൊത്തം സീറ്റിൽ 10 ശതമാനം കോ-ഓപ്പറേറ്റീവ് സൊസൈറ്റികളിലെ ജീവനക്കാർ, കോ-ഓപ്പറേഷൻ, ഡെയറി, ഫിഷറീസ്, ഇൻഡസ്ട്രീസ് തുടങ്ങിയ വകുപ്പുകളിലെ ജീവനക്കാർ എന്നിവർക്ക് സംവരണംചെയ്തിട്ടുണ്ട്. ഒബിസി; ഇഡബ്ല്യുഎസ്, ഭിന്നശേഷി, എക്‌സ്-സർവീസ്, സ്‌പോർട്‌സ് (കേരള സംസ്ഥാന സ്‌പോർട്‌സ് കൗൺസിൽ തയ്യാറാക്കുന്ന പട്ടികപ്രകാരം) തുടങ്ങിയ വിഭാഗങ്ങളിലും സംവരണമുണ്ട്. കോട്ടയം എൻഎസ്എസ് കോ-ഓപ്പറേറ്റീവ് ട്രെയിനിങ് കോളേജിൽ 50 ശതമാനം സീറ്റുകൾ മാനേജ്‌മെന്റ് ക്വാട്ടയിൽ ആയിരിക്കും. പ്രവേശനയോഗ്യത പ്രവേശനം തേടുന്നവർക്ക് ഏതെങ്കിലും വിഷയത്തിലെ ബാച്ച്‌ലർ ബിരുദം/തത്തുല്യ യോഗ്യത വേണം. സഹകരണസംഘങ്ങളിലെ ജീവനക്കാർക്ക് ബിരുദവും 2025 ജൂൺ ഒന്നിന് ഒരുവർഷത്തെ പ്രവൃത്തിപരിചയവും വേണം. ഉയർന്ന പ്രായപരിധി 2025 ജൂൺ ഒന്നിന് 40 വയസ്സ് (ഒബിസി-43, പട്ടികവിഭാഗം-45). ജീവനക്കാരുടെ വിഭാഗത്തിൽ അപേക്ഷിക്കുന്നവർക്ക് ഉയർന്ന പ്രായപരിധിയില്ല. അപേക്ഷ www.scu.kerala.gov.in വഴി ജൂലായ് 15-ന് വൈകീട്ട് അഞ്ചുവരെ അപേക്ഷിക്കാം. പ്രോസ്‌പെക്‌ടസ് ഇവിടെ ലഭിക്കും. അപ്‌ലോഡ്ചെയ്യേണ്ട രേഖകളുടെ പട്ടിക പ്രോസ്‌പെക്‌ടസിൽ ഉണ്ട്. അപേക്ഷാ ഫീസ് 250 രൂപ (പട്ടികവിഭാഗക്കാർക്ക് 85 രൂപ). കോ-ഓപ്പറേറ്റീവ് സൊസൈറ്റികളിലെ ജീവനക്കാർക്ക് 350 രൂപ. ഡിഗ്രി പരീക്ഷയിൽ ലഭിച്ച മൊത്തം മാർക്ക് ശതമാനം (വിഷയങ്ങളും ഭാഷാവിഷയങ്ങളും പരിഗണിച്ച്) പരിഗണിച്ചാണ് പ്രവേശനം. പിജി ഉള്ളവർക്ക് ഗ്രേസ് മാർക്ക് ലഭിക്കും. ജീവനക്കാരുടെ തിരഞ്ഞെടുപ്പ്‌ സേവനദൈർഘ്യം പരിഗണിച്ചാണ്. വിവരങ്ങൾക്ക്: www.scu.kerala.gov.in.